Kontaktinformasjon
Har du spørsmål om våre produkt, ønskjer tilbod på spesialdimensjonar, eller vil vita meir om levering og produksjon?
- Telefon: (+47) 91 32 29 62
- E-post: sag@seimen.no
- Adresse: Seimen Sag og Høvleri AS, Draugsvollsvegen 51, 5713 Vossestrand
Organisering
Dagleg leiar Cato Bruvik brenn for treforedling og nisjefaget, og i tillegg deltek Eirik Draugsvoll Seim, Anders Draugsvoll Seim og Nils Harald Seim i verksemda, med brei røynsle frå selskapsutvikling, entreprenørverksemd og byggevarehandel.
Visjon og målsetjing
Visjonen vår er å tilby kortreist og berekraftig trevirke i alle dimensjonar tilpassa behova til både private og næringskundar. Slik vil me bidra til å styrka verdiskapinga i regionen, samtidig som me aktivt reduserer klimaavtrykket knytt til transport. Ved å nytte lokalt råstoff, tek me vare på skogressursane våre og støttar den sirkulære økonomien i regionen.
Me legg særleg vekt på å bruka furu-tømmer med høg andel malm. Det finst mange ord for den raudbrune kjernen i furu. Dei mest brukte er malme, kjerneved eller al.
Den tette, kjerneveden som er naturleg impregnert gjennom treet sin eigen vekst. Denne naturlege impregneringa gjev trevirket svært god motstandskraft mot råte og fukt, utan behov for kjemiske tilsettingsstoff. Resultatet er eit giftfritt, miljøvenleg og haldbart produkt som eignar seg godt til alt frå kledning og konstruksjon til utemiljø og restaureringsprosjekt. Produkta er naturlege, og er laga av gode råvarer som gjev lang levetid.
I tillegg skal alle biprodukt frå produksjonen som energiflis, bark og sagflis utnyttast vidare, enten til energi, jordforbetring eller andre formål. Dette skapar ein levande «mikroøkonomi» rundt saga, der ingenting går til spille og ressursane vert utnytta til fulle.
For oss handlar det ikkje berre om å levera produkt, men om å vera ein motor for berekraftig og langsiktig utvikling i samfunnet der både skogeigarar, handverkarar, bygg eigarar og andre aktørar får nytte av ei kortreist og miljøvenleg verdikjede.
Berekraft og miljø
Satsinga vår er tufta på miljøvenlege løysingar og ansvarleg ressursbruk:
- Kortreist tømmer: Me nyttar tømmer frå Voss og omliggande område, noko som reduserer transportbehovet.
- Flisfyring: Alt av flis, sagmo, høvelspon og bork frå produksjonen blir utnytta til oppvarming og tørking, og eventuelt overskot vert selt vidare som energiflis.
- Solenergi: Eit nytt solcelleanlegg bidreg med fornybar straum (om lag 60 000 kWh i året).
- Redusert klimagassutslepp: Ved å halda produksjonen lokalt, legg me opp til lågare CO₂-utslepp og meir effektiv bruk av ressursane.
Miljøprofil
Hjå Seimen Sag og Høvleri er berekraft meir enn fine ord – det er ein del av kvardagen vår. Me driv med flisfyrt oppvarming, produserer eigen straum med solcelleanlegg og nyttar alt av biprodukt. Når du vel oss, får du kortreiste kvalitetsprodukt som tek vare på både tradisjonar og naturen rundt oss.